बिएण्डसीबाट मुटु रोगीका लागि निःशुल्क औषधी उपचार सेवा शुरु

 लिम्बुवान न्युज
                       

दमक,झापा /  झापाको विर्तामोडस्थित बिएण्डसी मेडिकल कलेज एण्ड टिचिङ अस्पतालले मुटु रोगीका लागि निःशुल्क औषधी उपचार सेवा शुरु गरेको छ । अस्पतालले असार २२ गते आइतबारबाट सेवा लागू हो ।
यो उपचार सेवा नेपाल सरकारको विपन्न नागरिक औषधि उपचार कोषमार्फत प्रदान गरिने जनाइएको छ ।
उक्त कोष अन्तर्गत प्रति बिरामी दुई लाख रुपैयाँसम्मको उपचार सेवा निःशुल्क उपलब्ध हुने अस्पतालका जनसम्पर्क अधिकृत प्रमिस गिरीले बताए । अधिकृत गिरीका अनुसार मुटु रोगका कारण कुनै पनि नागरिकले जीवन गुमाउन नपरोस् भन्ने उद्देश्यले सेवा शुरु गरिएको बताए ।
सरकारसँगको समन्वयमा प्रदेश नं. १ मै पहिलोपटक यस्तो सेवा शुरु गरेका छौं, यसले विपन्न वर्गका मुटुरोगीलाई राहत मिल्ने विश्वास लिएका छौं”– अधिकृत गिरीले वताए ।
विरामीले अस्पतालबाट मुटु रोगसम्बन्धी परीक्षण, औषधि, शल्कक्रिया र विशेषज्ञ परामर्श सेवा निःशुल्क रुपमा उपलब्ध गराउने जनाइएको छ ।
बिएण्डसी अस्पताल प्रदेश नं. १ मै क्यान्सर, मृगौंला डायलाइसिस, हेड तथा स्पाइनल इन्जुरी र मुटु रोग सम्बन्धी निःशुल्क सेवा प्रदान गर्ने पहिलो अस्पताल बनेको छ । योसँगै अस्पतालले स्वास्थ्य क्षेत्रमा सामाजिक उत्तरदायित्वअनुसार सेवा विस्तार गरेको बताइएको छ ।
बिएण्डसी अस्पताल नागरिक बचाउ महाअधियानका संयोजक दुर्गा प्रसाईद्वारा संचालित अस्पताल हो ।

सम्बन्धित समाचार

चर्चासँगै विवादमा रहेकाे ‘दमक भ्यू टावर’मा भ्रष्टाचार भएको स्थानीय पत्रकारले लगाए आराेप

दमक, २६ असार । झापाको दमकमा अवस्थित ‘भ्यू टावर’ मा सङ्गठित भ्रष्टाचार भएको भन्दै सरोकारवालाहरूले छानबिनको माग गरेका छन् । दमक ५ का स्थानीय तथा सञ्चारकर्मी अबिन मेयाङ्ग्वोले बुधबार संवाद डबलीमा पत्रकार सम्मेलन गरेर भ्यू...

मेचु धिमालकाे म्युजिक भिडियो ‘आदाङ्बे सेवारो’ सार्वजनिक

दमक, २४ असार । लिम्बू भाषामा तयार पारिएको नयाँ म्युजिक भिडियो ‘आदाङ्बे सेवारो’ आइतबार सार्वजनिक गरिएको छ। गायिका तथा निर्देशक मेचु धिमालको युट्युब च्यानलमार्फत भिडियो सार्वजनिक गरिएको हो । गीतमा असित थेगिम र यासेली योङहाङको...

काङसोरे पुरस्कार स्व. इमानसिङ् चेम्जोङ्लाई

ललितपुर, २१ असार । लिम्बुवान नागरिक समाज यूकेले तिन बर्षमा प्रदान गर्दै आईरहेको काङ्सोरे पुरस्कार इतिहासकार, साहित्यकार, भाषाविद् स्व इमानसिंह चेम्जोङलाई प्रदान गरेको छ । यस वर्ष स्व.चेम्जोङलाई मरणोपरान्त पुरस्कार प्रदान गरिएको हो । शनिवार...

फक्ताङलुङ सांस्कृतिक मञ्चको अध्यक्षमा मोहन मादेन निर्वाचित

ललितपुर, २१ असार । फक्ताङलुङ सांस्कृतिक मञ्चको पाँचौं राष्ट्रिय महाधिवेशन सम्पन्न भएको छ । ललितपुरस्थित किरात याक्थुङ चुम्लुङको संघीय कार्यालयमा शनिबार मोहन मादेनको अध्यक्षतामा नयाँ कार्य समिति चयन गठन भएको हो । नेपाल प्रज्ञा प्रतिष्ठानका...