ललितपुर, २९ साउन । जनता समाजवादी पार्टी र राष्ट्रिय मुक्ति पार्टी, नेपालबीच कार्यगत एकता गरेका छन् । बिहीबार काठमाडौंमा आयोजित एक कार्यक्रमबिच यी दुई दलले एकता उन्मुख कार्यगत एकता गरेका हुन् ।

जसपाका अध्यक्ष अशोक राई र रामुपा, नेपालका अध्यक्ष राजेन्द्र महतोले एकता घोषणा गरेका छन् । कार्यगत एकताको घोषणा गर्दै दुई अध्यक्षले हस्ताक्षर गरेका छन् ।

राई उपेन्द्र यादव नेतृत्वको जसपा, नेपालबाट अलग भएका हुन भन महतो लोकतान्त्रिक समाजवादी पार्टी (लोसपा)बाट अलग भएर हालैमात्र आफ्नो अध्यक्षतामा पार्टी गठन गरेका थिए ।

नेपालको संविधान अपूर्ण, पहिचान विरोधी र विभेदकारी रहेको भन्दै त्यसलाई संशोधन, पुनःलेखन तथा परिमार्जनका लागि संयुक्त रूपमा आन्दोलन गर्ने सहमति दुवै दलले गरेका छन् ।

त्यसका लागि दुवै दलले सरकार, संसद र सडक तीनवटै क्षेत्रबाट दबाबमूलक कार्यक्रम गर्ने सहमति भएको स्रोतले जनाएको छ । दुवै दल सङ्घीयता, लोकतन्त्र, सुशासन, समृद्धि र सामाजिक न्यायसहितको राज्य व्यवस्था स्थापनाका लागि सक्रिय रहने बताइएको छ ।

साथै संघीयता र लोकतन्त्रलाई सुदृढ गर्दै बहुजातीय तथा बहुल राष्ट्रिय राज्य निर्माणका लागि दुवै पार्टी अगाडि बढ्ने निर्णय समेत भएको जसपाका एक नताले बताए ।