दमक, २ भदाैं । इलाम जिल्लाको माङसेबुङ गाउँपालिकाले लिम्बू भाषालाई सरकारी कामकाजी भाषाको रुपमा कार्यान्वय गर्ने तयारी गरेको छ । प्रदेश नं. १ सरकारले लिम्बू र मैथिली भाषालाई सरकारी कामकाजी भाषाको रुपमा कार्यान्वयनमा ल्याउने तयारी भइरहेकाे बेला पालिकाले लिम्बू भाषालाई कामकाजीको भाषाको रुपमा प्रयोगमा ल्याउन लागेको हो ।
पालिका अध्यक्ष हेमन्त राईका अनुसार माङसेबुङमा बहुसङ्ख्यक जनताले बोल्ने लिम्बू भाषालाई कामकाजी भाषाको रुपमा कार्यान्वयनका लागि एकजना भाषिक सहजकर्ता (सहायक पाँचौ तह) नियुक्त गर्ने तयारी भएकाे बताउनु भयाे ।
पालिकाले यसका लागि आवेदन आह्वान गर्दा ६ जनाले आवेदन दिएका छन् । आउने भदौ ४ गते (बुधबार) छनौट परीक्षा सञ्चालन गरी नियुक्ति गरिने गाउँपालिकाले जनाएको छ ।
माङसेबुङले ‘भाषा, संस्कृति र ललितकलाको संरक्षण र विकास कार्यान्वयन निर्देशिका २०७५’ र ‘माङसेबुङ गाउँपालिकामा करारमा प्राविधिक कर्मचारी व्यवस्थापन गर्ने सम्बन्धी कार्यविधि, २०७४’ अनुसार भाषिक सहजकर्ता नियुक्त गर्न लागेको प्रमुख प्रशासकीय अधिकृत दिलसेर राईले बताउनु भयाे ।
प्रशासकीय अधिकृतका अनुसार भाषिक सहजकर्ताले नेपाली र लिम्बू दुवै भाषामा अनुवादकको काम गर्नेछ ।
कर्मचारी नियक्ति भएपछि गाउँपालिकाभित्र औपचारिक कार्यक्रम गरी लिम्बू भाषालाई कामकाजी भाषा घोषणा गरिने अध्यक्ष राईले बताउनु भयाे । नेपालमै पहिलो पटक माङसेबुङ गाउँपालिकाले लिम्बू भाषालाइ कामकाजी प्रयोगमा ल्याउन लागिएको हो ।
राष्ट्रिय जनगणना २०७८ को तथ्याङ्क अनुसार १६ हजार ८ सय १० जनसङ्ख्या रहेको माङसेबुङमा ४२.८३ प्रतिशत लिम्बू र ३३.६ प्रतिशत राई समुदाय बसोबास गर्छन् । जातीय र भाषिक बाहुल्यताका आधारमा माङसेबुङले २०७५ साल मङ्सिर १३ गतेदेखि ५ नं. वडा कार्यालयमा लिम्बू भाषालाई कामकाजी घोषणा गरी लागू गरिसकिएको । त्यसै वडामा २०७६ मा एक जना भाषिक सहजकर्ता (सहायक चौथो तह) नियुक्त गरिएको थियो ।
लिम्बू भाषा लेखनमा भने किरात सिरिजङ्गा लिपिको प्रयोग गरिने पालिकाका उपाध्यक्ष विनाेद नेम्बाङले बताउनु भयाे । पालिकाकाे हरेक वडाहरकाे वाेर्ड लगायतमा समेत किरात सिरिजंगा लिपि लेखिने उपाध्यक्ष नेम्बाङले बताउनु भयाे ।
ललितपुर, ८ भदाैं । आदिवासी जनजाति उत्थान राष्टिय प्रतिष्ठानले आदिवासी जनजाति समुदायलाई डिजिटल प्रविधि तथा कृत्रिम बुद्धिमत्ता (Artificial Intelligence-AI) को ज्ञान, सीप र प्रविधिसँग जोड्ने उद्देश्यले निःशुल्क डिजिटल मिडिया र एआई एडभान्स तालिम सञ्चालन गर्ने...
दमक, ७ भदाैं । ताप्लेजुङस्थित मुक्कुम्लुङ साहित्य प्रतिष्ठान पुनर्गठन भएको छ । शनिबार संस्थाको प्रथम साधारण सभाले मनिष हेल्लोको अध्यक्षतामा १४ सदसीय कार्यसमिति निर्विरोध चयन गरेको हो । कार्यक्रमबाट प्रतिष्ठानको उपाध्यक्षहरूमा सीता पिरती , मणि सेम्बु...
दमक, ६ भदौं । झापा जिल्ला अन्तरर्गत किरात याक्थुङ चुम्लुङ अर्जुनधारा नगर तदर्थ समिति गठन भएको छ । शनिबार राजेश जवेगुको अध्यक्षतामा अर्जुनधारा नगर तदर्थ समिति गठन गरिएको हो । तदर्थ समितिको उपाध्यक्षमा पूर्णबहादुर लिङदेन,...
दमक। इलाम जिल्लाको चुलाचुली गाउँपालिकाले स्थानीय तहबाटै भूमि प्रशासनसम्बन्धी सेवा सुरु गरेको छ । बिहीबार गाउँपालिले एक विशेष समारोहको आयोजना गर्दै इलाम सदरमुकामस्थित भूमि प्रशासन तथा नापी कार्यालयबाट प्रवाह हुँदै आएको सेवा गाउँपालिकाबाट शुरु भएको...
प्रकाशक:
माङ्गेन्ना पब्लिकेशन एण्ड मिडिया प्रा.लि.
प्रदेश न १ , दमक–१, झापा
सूचना विभाग द.नं. २१४६/०७७-७८
कम्पनी दर्ता नं. २४५४५३/०७७-०७८
प्रेस काउन्सिल दर्ता नं. २३१४/०७७-०७