ललितपुर, १५ भदौं । किरात राई यायोक्खा जिल्ला कार्य समिति काठमाडौंको १२औं जिल्ला अधिवेशन सम्पन्न भएको छ । शुक्रबार भएको समितिको १२औं अधिवेशनबाट जीवनकुमार राईको अध्यक्षतामा १८ सदस्यीय नयाँ समिति गठन गरिएको हो ।

शुक्रबार यायोक्खा संघीय अध्यक्ष जिवन हाताछो राईको प्रमुख आतिथ्यतामा भएको उक्त कार्यक्रमबाट समितिको उपाध्यक्षहरुमा शशीकला राई र समिल राई सचिवमा निला राई, सहसचिवहरुमा मनोज राई, कर्णबहादुर राई, कोषाध्यक्षमा टंकराम राई र सह–कोषाध्यक्षमा दीपा देवान राईलाई जिम्मेवारी दिइएको छ ।

यस्तै उक्त अधिवेशनबाट सदस्यहरुमा तेज बान्तावा राई , मनकुमारी राई, बिन्दा राई, जस बहादुर राई, तृष्णा देवान राई, मिना राई, डिल्ली कुमार राई, प्रसन राई, सविता राई र प्रगती राई निर्वाचित भएका छन् ।

प्रमुख अतिथि हताछो राईले नव निर्वाचित समितिलाई खदा ओडाई सम्मान गर्दै कार्यकालको शुभकामना व्यक्त गरेका थिए ।