ललितपुर,२९ भदाैं । युथ इन्डिजिनिष्ट लिग (वाईआईएल)ले देशमा हालै भएको राजनीतिक परिवर्तनलाई पूर्ण रूपमा स्वागत गर्ने घोषणा गरेको छ। संगठनले यो प्रक्रियामा अग्रणी भूमिका खेलेका जेनजीहरूको नेतृत्व तथा योगदानप्रति उच्च सम्मान र प्रशंसा व्यक्त गरेको छ।

वाईआईएलका संयोजक सनम लिम्बूले जारी गरेको वक्तव्यमा हालै भएको जनआन्दोलनका क्रममा सहिद भएका क्रान्तिकारी सहिदहरूलाई श्रद्धाञ्जली अर्पण गर्दै सहिद परिवारप्रति गहिरो संवेदना व्यक्त गरिएको छ। साथै सहिदहरूको बलिदानलाई व्यर्थ हुन नदिई सफलतापूर्वक सम्पन्न नेपाली सेनालगायतका सुरक्षाकर्मीहरूको योगदानलाई उच्च प्रशंसा गरिएको छ।

जेनजी पुस्ताले विगतका संगठनहरू नेविसंघ, वाईसिएल, युवा संगठनलगायत अन्य समूहहरूको ऐतिहासिक योगदानलाई स्मरण गर्दै नयाँ पुस्ता जेनजीले देशलाई क्रान्तिकारी मार्गतर्फ अघि बढाउन सक्ने सामर्थ्य राख्ने विश्वास व्यक्त गरेको छ। संगठनले आफूलाई  जनताबाट अस्वीकृत भ्र्ष्ट, असफल, परनिर्भरवादी कम्युनिष्ट र शक्तिहरूसँग निरन्तर लड्ने स्वतन्त्र र स्वदेशप्रेमी इन्डिजिनिष्ट शक्ति भन्दै देश र जनताको हितविरुद्ध हुने कुनै पनि षड्यन्त्रलाई नकाम पार्ने प्रतिबद्धता व्यक्त गरेको छ।

राजधानीको अनामनगरमा रहेको युनियन हाउसमा पत्रकार सम्मेलन गर्दै वाईआईएलका संयोजक लिम्बूले जेनजी पुस्ताका युवामाथि हुनसक्ने सुरक्षा चुनौतिको आफ्नो संगठनले निगरानी राखिरहेको र आवश्यक सुरक्षा युवाहरुलाई दिने जानकारी दिनु भयो । उहाँले जारी गरेको वक्तव्यमा भनिएको छ, ‘हामी देश र जनताविरुद्ध तलव बिहीन सिजिनले गरेका कुनै पनि संकटपूर्ण षड्यन्त्रलाई नकाम पार्ने महान अभियानमा निरन्तर साथ र संघर्ष गर्ने प्रण गर्दछौं।’

विज्ञप्ति हेर्नुहाेस्ः