ललितपुर, ३ असोज । किरात याक्थुङ चुम्लुङले लिम्बुवान सुनिश्चितताबिनाको संविधानप्रति सधै असहमति रहने बताएको छ । चुम्लुङका संघीय अध्यक्ष प्रेम एक्तेनले आज एक विज्ञप्ति जारी गर्दै असहमति रहेको बताएका हुन् ।

विज्ञप्तिमा गत भदौ २३ र २४ गते भएको जेन्जी आन्दोलनमा सहादत प्रप्त गर्नुभएका महान् सहिदहरू प्रति श्रद्धाञ्जी अर्पण गर्दै परिवारजनमा समवेदना प्रकट गरेको उल्लेख छ ।

ऐतिहासिक पृष्ठिभूमिको आधारमा लिम्बुवान स्वायत्त राज्य सुनिश्चितता अपरिहार्य हुँदाहुँदै पनि यसलाई लत्याउँदै षडयन्त्रमूलक तरिकाले जबरजस्ती जारी गरिएको नेपालको संविधान २०७२ प्रति हाम्रो असहमाति जारी अध्यक्ष यक्तेनले उल्लेख गरेका छन् ।

संविधान जारी भएको एक दश भएको छ तर सोहि दिनदेखि आम याक्थुङ÷लिम्बुहरूको लिम्बुवान सुनिश्चितता विनाको संविधानप्रतिको असमति जारी रहेको बताएका छन् ।

विज्ञप्तिमा प्रदेश नं. १ को नाम एकलजातीय राज्यले षडयन्त्रकारी, अलोकतान्त्रिक प्रक्रियाबाट गोत्रीय कोशी नाम राखिएकोमा सो नाम खारेज गरेर लिम्बुवान, किरात वा यो नाम सहित पहिचानको आधारमा पुनः नामाकरणको माग राख्दै शसक्त आन्दोलन गरेको र गरिरहने बताइएको छ ।

जेनजी आन्दोलनले भ्रष्टचार, सामाजिक सञ्जाल बन्द विरुद्ध र शुसासनका कायम गरियोस् भन्ने आन्दोलनबाट भ्रष्टचारका नाइकेहरुलाई सत्ताच्यूत गर्न सफल भएको साथै आन्दोलनका क्रममा राज्यको संरचना ध्वस्त भएको र निजी सम्पत्तिमा समेत क्षति पुगेको प्रति कियाचूले दुःख व्यक्त गरेको छ ।

पहिचानको आधारमा राज्यको पुनः संरचना निर्माण गर्दै संविधानका विभेदकारी प्रावधानहरु खारेज गरी संविधानको पुनःलेखन मार्फत संशोधन नभएसम्म कियाचू निरन्तर आफ्नो असहमति जारी राख्दै आन्दोलित हुने विज्ञप्तिमा उल्लेख गरिएको छ ।

हेर्नुहोस् विज्ञप्ति: