ललितपुर, १७ असोज । देशभर मनुसनी वायु प्रभाव अझै यथावत रहेको जल तथा मौसम विज्ञान विभाग, मौसम पूर्वानुमान महाशाखाले जानकारी दिएको छ । महाशाखाका अनुसार शुक्रबार देशको सात वटै प्रदेशहरुमा साधारणतया मौसम बदली रहने जनाएको हो । ु

आज प्रदेश नं. १ (कोशी), बागमती, गण्डकी, लुम्बिनीका पहाड र तराइका केही भू–भागहरू त्यसैगरी मधेश प्रदेशलगायत देशका अन्य प्रदेशहरु कर्णाली, सुदुरपश्चिम प्रदेशका पहाड र तराई भू–भागका थोरै स्थानहरूमा मध्यम वर्षाको सम्भावना रहेको जनाएको छ ।

लुम्बिनी प्रदेशका तराई, कर्णाली र बागमती प्रदेशको पहाडी भू–भागका एक–दुई स्थानमा भारी वर्षाको पनि सम्भावना रहको महाशाखाले जनाएको छ ।

शुक्रबार राति देशभर साधारणतया बदली रहने छ । सबै प्रदेशका पहाडी र तराई भू–भागका थोरै स्थानहरूमा मध्यम वर्षाको सम्भावना रहेको छ । कोशी, मधेस, बागमती, लुम्बिनी र गण्डकी प्रदेशको एक–दुई स्थानमा हाडिघोप्टे वर्षाको पनि सम्भावना रहेको हुँदा यात्रा गर्दा सजक रहन शाखाले जनाएको छ ।