ललितपुर, ६ मङ्सिर । मितेरी पार्टी नेपालको प्रथम केन्द्रिय सभा काठमाडौ तिनकुनेस्थित सिदार्थ कटेजमा सम्पन्न भएको छ । आइतबार सम्पन्न उक्त भेलाले नयाँ समिती पुर्नगठन गर्दै खडग बहादुर देवान (नवीन किराँति) लाई अध्यक्षमा चयन गरेको छ ।

२१ सदस्य नयाँ समितिको सस्थापक अध्यक्ष तथा बरिस्ठ नेतामा घनेन्द्र बहादुर बस्नेतलाई जिम्मेवारी दिइएको छ  ।

यस्तै समितिको बरिस्ठ उपाध्यक्ष बलबहादुर पुर्वछाने, उपाध्यक्षहरुमा अनिता तण्ढुकार र सुरेश खड्गी, महासचिव डिल्लिराम मिभक (तेन्धङ), उपमहासचिव नवराज घिमिरे, सचिव ओ म नारायण एल्वातर धामी, सह-सचिव सर्वराज थापा र कोषाध्यक्षमा रेनु तण्डुकार चयन भएका छन् !

यसरी नै भेलाले केन्द्रिय सदस्यहरुमा हितबहादुर क्याछाकी, सविना पाठक, अनिता घर्ती मगर, माया तुम्बापो, शुसिला रायमाझी, अप्सरा बानिया, किरण सुनुवार, मकर केरुङ, झमक बानिया, उमेश मानन्धर र राजेश कोराला रहेका छन् ।

पार्टीको उक्त सभाले पार्टीको विधान २०८२, नियामावली घोषणापत्र संसोधन गरि पारित गरेको छ ।

साथै आगामी फाल्गुन २१ गते हुने भनिएको प्रतिनिधि सभा निर्वाचनमा भाग लिनका लागि निर्वाचन आयोगमा समेत दल अध्यावधिक गरिने नवगठित समितिका महासचिव मिभकले लिम्बुवान खबरलाई बताउनु भयो ।

महासचिव मिभकले विचार मिल्ने दलहरुसङ्ग चुनावी मोर्चा तथा गठबन्धन तथा एकीकरण लगायतका कार्य गर्न पार्टीले बाटो खुल्ला राख्ने बताउनु भयो ।

कार्यक्रममा संविधान सभा सदस्य राजकुमार नाल्बोले नवगठित समितिलाई बधाई तथा शुभकामना मन्तब्य राख्नु भएको थियो ।