ललितपुर, १ चैत्र । राष्ट्रिय स्वतन्त्र पार्टी (रास्वपा)ले समानुपातिक निर्वाचन प्रणालीबाट सांसद बन्ने ५७ जनाको नामावली टुंगो लगाएको छ । आज बसेको सचिवालय बैठकले ४८ महिला र ९ पुरुषको नामावली टुंगो लगाएको हाे ।

पार्टी प्रवक्ता मनिष झाका अनुसार सो नामावली आजै निर्वाचन आयोगमा बुझाउने बताए ।

उनका अनुसार खासआर्यबाट १७,  आदिवासी जनजातीबाट १६, मधेशीबाट ९, दलितबाट ८, थारुबाट ४ र मुस्लिम समुदायबाट ३ जनाको नाम टुंगो लगाइएको छ ।

९ जना पुरूष समानुपातिकमा मध्ये खसआर्य २ पुरूष, आदिवासी जनजातिबाट २ पुरूष, मधेशी २, दलित १, थारू १ र मुस्लिम १ रहन सक्ने छन् ।

यी क्लस्टरबाट कोको परे भन्ने रास्वपाले खुलाएको छैन । निर्वाचन आयोगले यी नामावली रुजु  गरेपछि मात्रै नाम सार्वजनिक हुने प्रवक्ता झाले जानकारी दिए ।

निर्वाचन आयाेगले तीन दिनकाे म्याद दिएकाे बन्दसूचीकाे नाम बुझाउने आज अन्तिम दिन हाे ।