दमक, १७ असोज । दमकमा जारी ‘प्रथम प्रदेश १ (कोशी) जिल्लास्तरीय भेट्रान च्यालेन्ज कप’को प्रथम पुरस्कार रकम क्लबका अध्यक्ष गजेन्द्र देवान (गजु) ले स्पोन्सर गर्दै क्लबलाई हस्तान्तरण गरेका छन्।

दमक-६ स्थित मायाज क्याफेका सञ्चालक समेत रहेका अध्यक्ष देवानले शनिबार आयोजित एक कार्यक्रमका बिच क्लबका कोषाध्यक्ष सुवास राईलाई सो रकम हस्तान्तरण गरेका हुन्।

हस्तान्तरण कार्यक्रममा क्लबका सचिव विरेन राई तथा सदस्य चन्द्र गजमेरको समेत उपस्थिति रहेको थियो।

झापाको दमक-२ स्थित बेलडाँगी खेलमैदानमा शुक्रबारदेखि सञ्चालन भइरहेको यस प्रतियोगिताको विजेता टोलीले नगद रु. १ लाख १ हजारसहित ट्रफी प्राप्त गर्नेछ भने उपविजेता टोलीले नगद रु. ५१ हजार प्राप्त गर्ने आयोजकले जनाएको छ।