मिक्लाजुङमा निःशुल्क आँखा शिविर सम्पन्न : ३५ सयको परीक्षण, २७५ जनाले पाए नयाँ दृष्टि

,   लिम्बुवान न्युज
                       

मिक्लाजुङ, माेरङ् । मोरङको उत्तरी क्षेत्र मिक्लाजुङमा आयोजित चारदिने निःशुल्क मोतियाबिन्दु शल्यक्रिया तथा आँखा परीक्षण शिविर सम्पन्न भएको छ । शिविरमार्फत ३ हजार ५०० जना सर्वसाधारणको आँखा परीक्षण गरिनुका साथै २७५ जना मोतियाबिन्दुका बिरामीको सफल शल्यक्रिया गरिएको छ ।

मिक्लाजुङ गाउँपालिकाको आयोजना, विश्वप्रसिद्ध नेत्ररोग विशेषज्ञ डा. सन्दुक रुइत आबद्ध तिलगंगा आँखा अस्पतालको प्राविधिक सहयोग तथा मधुमल्ला अस्पतालको स्थानीय सहजीकरणमा शिविर सञ्चालन गरिएको हो । मिक्लाजुङ गाउँपालिका–२ स्थित मिक्लाजुङ आधारभूत अस्पतालमा कार्तिक २८ गतेदेखि मंसिर १ गतेसम्म शिविर सञ्चालन भएको थियो ।

शिविरमा मिक्लाजुङ र उत्तरी मोरङका विभिन्न भेगसँगै छिमेकी जिल्ला इलाम र झापाबाट समेत उपचारका लागि बिरामीहरूको उल्लेख्य सहभागिता रहेको थियो । विशेषगरी आर्थिक अभावका कारण उपचारबाट वञ्चित भएका तथा आँखाको उपचारका लागि ठूला सहर धाउनुपर्ने बाध्यता रहेका ग्रामीण भेगका नागरिकलाई लक्षित गरी शिविर आयोजना गरिएको गाउँपालिकाले जनाएको छ ।

तिलगंगा आँखा अस्पतालको दक्ष प्राविधिक टोलीले शिविरमा प्रत्यक्ष सेवा प्रदान गरेको थियो । घरआँगनमै विशेषज्ञ चिकित्सकसहितको गुणस्तरीय र निःशुल्क उपचार सेवा पाएपछि लामो समयदेखि दृष्टिसम्बन्धी समस्या झेलिरहेका बिरामीहरूमा खुसी छाएको छ ।

ग्रामीण तथा दुर्गम क्षेत्रका नागरिकको स्वास्थ्यमा सहज पहुँच पुर्‍याउने उद्देश्यले सञ्चालन गरिएको यस शिविरले स्थानीयवासीलाई ठूलो आर्थिक तथा शारीरिक राहत प्रदान गरेको छ ।

सम्बन्धित समाचार

मुक्कुमलुङ केबलकार आयोजना खारेज गर्न माग, माग पूरा नभए निरन्तर सङ्घर्षको चेतावनी

ललितपुर, ५ मंसिर । ताप्लेजुङस्थित मुक्कुमलुङमा प्रस्तावित पाथिभरा देवी दर्शन केबलकार निर्माण आयोजना तत्काल खारेज गर्न माग गर्दै मुक्कुमलुङ संरक्षण अन्तर्दलीय सङ्घर्ष समिति र मुक्कुमलुङ ताइसेःप चुम्भोले संयुक्त रूपमा पत्रकार सम्मेलन गरेका छन् । बुधबार...

झापा–११ को १०–० को फराकिलो जित, सजिनाको ह्याट्रिक

दमक, ५ मंसिर । दोस्रो एक्स्ट्रिम झापा महिला गोल्डकपको उद्घाटन खेलमा आयोजक झापा–११ फुटबल क्लबले आरएस पोखरा फुटबल क्लबलाई १०–० को फराकिलो अन्तरले हराउँदै सेमिफाइनलमा स्थान पक्का गरेको छ । पहिलो हाफमा २–० ले अगाडि...

प्रदेश १ को भाषा विधेयक प्रदेश प्रमुखद्वारा प्रमाणीकरण, सरकारी कामकाजमा भाषासम्बन्धी कानुन कार्यान्वयनको बाटो खुला

विराटनगर, १२ कार्तिक । प्रदेश १ को भाषा विधेयक प्रदेश प्रमुख परशुराम खापुङद्वारा प्रमाणीकरण गरिएको छ। गत असोज २४ गते प्रदेश सभाबाट पारित भएको उक्त भाषा विधेयकलाई प्रदेश प्रमुख खापुङले बुधबार प्रमाणीकरण गर्नुभएको हो। प्रदेश प्रमुख...

दमक–चिसापानी सडक निर्माणका लागि महालक्ष्मी–जय धनन्जय जेभी छनोट

झापा/दमक — लामो समयदेखि पर्खाइमा रहेको दमक–चिसापानी (फाल्गुनन्द मार्ग) सडक निर्माणका लागि नयाँ ठेकेदार कम्पनी छनोट भएको छ। सडक विभागअन्तर्गत संघीय सडक सुपरीवेक्षण तथा अनुगमन कार्यालय, इटहरीको सडक डिभिजन दमकले ठेक्का स्वीकृतिको प्रक्रिया अघि बढाउँदै...

;