लिम्बुवान नौ जिल्लामा सक्रिय हुँदै, आन्दोलनको रुपमा क्रियासिल सदस्य बाढ्दै

,   लिम्बुवान न्युज
                       

दमक। विगत ढेड दशक देखि निरन्तर आन्दोलनरत संघीय लोकतान्त्रिक राष्ट्रिय मञ्चको १०+१ प्रान्तहरुको मध्ये संघीय लिम्बुवान मञ्च अरुण पूर्वको नौ जिल्लामा सक्रिय भएको छ ।

सोमबार झापाको बुद्धशान्तीमा पार्टीको क्रियशिल बितरणसँगै अन्तरक्रिया कार्यक्रम गरेको छ । मञ्चका उपाध्यक्ष ज्ञानुहाङ् इम्बुङको प्रमुख उपस्थितिमा क्रियासिल सदस्यता वितरण गरिएको छ । उक्त अन्तरक्रिया कार्यक्रममा बुद्धशान्ती ४ मा राय बहादुर कम्फेको अध्यक्षतामा १९ सदस्यीय वडा कमिटी समेत गठन गरिएको विद्यार्थी नेता मोहन मावोले बताए ।

मञ्चका केन्द्रीय सचिव श्री मान बहादुर साम्बा, सचिवालय सदस्य भक्त मेयाङ्बो, मान बहादुर माबो, जिल्ला सचिव केसव पौडेल लगायत नेताहरुको उपस्थितिमा बुद्धशान्तिमा संगठनलाई मजवुत र सक्रिय बनाउने स्थानीय नेताहरुले प्रतिबद्धता गरे ।

त्यसैगरी आजै संघीय लिम्बुवान मंञ्च नेपाल जिल्ला समिति संखुवासभाले चैनपुर नगरपालिकामा संगठन बिस्तार गर्न घरदैलो कार्यक्रम गरेको छ । उक्त घरदैलो तथा भेटघाट कार्यक्रममा कोरोना संक्रमणका कारण खुलेरै गाउँघरमा हिड्न नसकेता पनि संगठनलाई शसक्त बनाउन राय बहादुर कम्फे लिम्बुको संयोजकत्वमा १९ सदस्यीय समिति गठन गर्दै अबको केही दिनमा संगठनलाई पूर्णता दिने मञ्चका जिल्ला अध्यक्ष निमा शेर्पाले बताए ।
घरदैलो कार्यक्रममा जिल्ला सदस्य हाङ्जित लिम्बू समेतको उपस्थिति थियो । साथै पार्टीको साधारण सदस्यता वितरण र क्रियासिल सदस्य फाराम समेत उक्त भेटघाटमा वितरण गरेको अध्यक्ष शेर्पाले वताए ।

त्यसैगरी संघीय लिम्बुवान मञ्च नेपाल कनकाई–७, वडा कार्य समितिको आयोजनामा गत असोज ३० गते दुर्गापुरस्थित सामुदायिक भवनमा मौलिक चार्डहरुको उपलक्ष्यमा शुभकामना आदानप्रदान, चियापान साथै १ दिने राजनैतिक प्रसिक्षण तथा अन्तर्कृया कार्यक्रम सन्पन्न भएको छ ।

कार्यक्रममा पार्टीका केन्द्रीय उपाध्यक्ष ज्ञानुहाङ इम्बुङको मुख्य प्रशिक्षण रहेको उक्त कार्यक्रममा पार्टीका उपमहासचिव भानु भट्टराई, त्यसै गरि केन्द्रीय सचिव राजु राई, सचिवालय सदस्य भक्त मेन्याङ्, जिल्ला अध्यक्ष धनबहादुर पङ्धाक साथै कनकाई नगर अध्यक्ष हङ्बिर कुलुङ राई लगायतको सहभागिता रहेको थियो ।

वडा कमिटी अध्यक्ष बसन्त मेन्याङ्बोको अध्यक्षता साथै वडा सचिव महेन्द्र कन्दङ्वाको संचालन र वडाका उपाध्यक्ष सन्जिव लकान्द्रीले स्वागत मन्तव्य राख्नुभएको उक्त कार्यक्रमको औचित्य वडा सदस्य गीता नेम्बाङले प्रष्ट पार्नुभएको थियो ।

झण्डै २ घण्टा चलेको प्रशिक्षण कार्यक्रममा प्रशिक्षकद्वय उपमहासचिव भानु भट्टराई र जिल्ला अध्यक्ष धन बहादुर पन्धाकले नेपालको बैकल्पिक शक्तिको रुपमा ०६२ सालमा स्थापित पार्टी संघीय लोकतान्त्रिक राष्ट्रिय मञ्च, नेपालको नव दर्शन “सह–अस्तित्ववाद”, पहिचानको आन्दोलनको औचित्य र पहिचान सहितको संघीयतामा लिम्बुवानको सम्भावना, महत्व, रणनीति र भावी कार्यदिशाबारे प्रष्ट पार्नुभएको थियो ।
लिम्बुवान मञ्चले आन्दोलनको रुपमा सबै जिल्लाहरुमा क्रियाशिल सदस्य वितरणलाई निरुन्तर बाढ्उँदै लगिएको हुँदा नेताहरु नौ जिल्लामा सक्रिय भएको मञ्चका प्रान्तीय महासचिव अशोक चेम्जोङ्ले बताएका छन् ।

सम्बन्धित समाचार

प्रदेश १ को भाषा विधेयक प्रदेश प्रमुखद्वारा प्रमाणीकरण, सरकारी कामकाजमा भाषासम्बन्धी कानुन कार्यान्वयनको बाटो खुला

विराटनगर, १२ कार्तिक । प्रदेश १ को भाषा विधेयक प्रदेश प्रमुख परशुराम खापुङद्वारा प्रमाणीकरण गरिएको छ। गत असोज २४ गते प्रदेश सभाबाट पारित भएको उक्त भाषा विधेयकलाई प्रदेश प्रमुख खापुङले बुधबार प्रमाणीकरण गर्नुभएको हो। प्रदेश प्रमुख...

दमक–चिसापानी सडक निर्माणका लागि महालक्ष्मी–जय धनन्जय जेभी छनोट

झापा/दमक — लामो समयदेखि पर्खाइमा रहेको दमक–चिसापानी (फाल्गुनन्द मार्ग) सडक निर्माणका लागि नयाँ ठेकेदार कम्पनी छनोट भएको छ। सडक विभागअन्तर्गत संघीय सडक सुपरीवेक्षण तथा अनुगमन कार्यालय, इटहरीको सडक डिभिजन दमकले ठेक्का स्वीकृतिको प्रक्रिया अघि बढाउँदै...

झापा महिला गोल्डकप फुटबलको दोस्रो संस्करण मंसिर ५ देखि, विजेताले ११ लाख पाउने

दमक, ९ कार्तिक । झापा महिला गोल्डकप अन्तर्राष्ट्रिय आमन्त्रण फुटबल प्रतियोगिताको दोस्रो संस्करण आगामी मंसिर पहिलो साताबाट आयोजना हुने भएको छ। आयोजक झापा महिला गोल्डकपले आइतबार पत्रकार सम्मेलन गर्दै प्रतियोगिता मंसिर ५ गतेदेखि १२ गतेसम्म...

लिम्बू र मैथिली सहित १३ राष्ट्रभाषाले पाए सरकारी कामकाजको मान्यता: भाषा विधेयक सर्वसम्मतिले पारित

विराटनगर, २४ असोज/ प्रदेश १ कोशी प्रदेशमा भाषिक विविधता र न्यायलाई समेट्दै एक ऐतिहासिक कदम चालिएको छ। कोशी प्रदेशसभाबाट ‘सरकारी कामकाजको भाषा सम्बन्धमा व्यवस्था गर्न बनेको विधेयक’ सर्वसम्मतिले पारित भएको छ। यो विधेयक पारित भएसँगै...

;