धरान। सुनसरी चुम्लुङ् हिम धरानमा नेपाल टेलिभिजनबाट प्रसारित वाईवाई नेपाल स्टारको टप ५ मा पर्न सफल लक्ष्मण लिम्बुले आफ्नो प्रस्तुति दिएका छन् ।

“कला र संस्कृतिलाई सम्बृद्धि बनाऔं, गायक लक्ष्मण लिम्बुलाई जिताऊ” भन्ने नाराका साथ चुम्लुङ् हिममा लक्ष्मण लिम्बु जिताउन अभियान तथा प्रसार प्रसार समितिले सांगीतिक कार्यक्रम गरेको हो ।

गायक लिम्बूले विभिन्न गीत गाएर मनोरञ्जन दिएका छन् । उनले आफूलाई नेपाल स्टारको टप ५ बाट ४ हुँदै फिनालीसम्म पु¥याउन दर्शकसँग भोट मागेका थिए ।

वाईवाई नेपाल स्टार जिताउन तपाई स्रोताहरुको हात रहेकोले भोटको अपिल गरेका छन् । गायक लिम्वुलाई भोटिङ गर्ने समय प्रत्येक शनिबार देखि विहिबार राती १२ बजे सम्म रहेको छ । भोटिङ गर्न मोवाइलको मेसेज बक्समा NS07 मा टाईप गरी ३३००१ मा सेण्ड गर्न अनुरोध गर्दै गायक लिम्बुले इ–सेवा, खल्ती र आईएमई पे मार्फत पनि भोट गर्न अनुरोध गरे । त्यसैगरी नेपाल टेलिभिजन एप डाउन लोड गरेर पनि भोटिङ गर्न सकिने कार्यक्रम आयोजकले जनाएको छ ।

सेसेलुङ च्याब्रुङ् क्लव इटहरीले लक्ष्मण लिम्बु जिताउ अभियान कार्यक्रमको आयोजना गरेको हो भने व्यवस्थापन किरात याक्थुङ चुम्लुङ धरान नगर समितिले गरेको नगर सदस्य तिर्थ मादेम्वाले बताए ।