काठमाठौं, ११ फाल्गुन । युवा माझ लोकप्रिय अभिनेता तथा नायक पल शाहविरुद्ध जबरजस्ती करणीसम्बन्धी कसूरमा किटानी जाहेरी परेको छ ।
शाह विरुद्ध १७ बर्षीया गायिका समीक्षा अधिकारीले जिल्ला प्रहरी कार्यालय, तनहुँमा आफै पुगेर किटानी जाहेरी दिएकी हुन् ।
गण्डकी प्रदेश प्रहरीका अनुसार शाहविरुद्धको जाहेरी दर्ता भई कानुनी प्रक्रिया अघि बढेको छ ।
यसअघि जिल्ला प्रहरी कार्यालय, कास्कीमा शाहविरुद्ध जाहेरी दिइएको थियो । तर, प्रहरीले घटनास्थल तनहुँ भएकाले तनहुँमै दर्ता गर्न भनीपछि उनी तनहुँमा पुगेर जाहेरी दिएकी बताए पनि तनहुँ जिल्ला प्रहरीले यस बारे औपचारिक जानकारी दिएको छैन ।
एक महिना अघि एउटा म्यूजिक भिडियोको सुटिङका सिलसिलामा तनहुँ गएका बेला शाहले ‘फकाएर’ यौवन दुव्र्यवहार गरेको अभियोग शाहमाथि छ । अधिकारी नाबालिका हुन् । कानुनतः १८ वर्षभन्दा कम उमेरकी युवतीसँग सहमतिमै शारीरिक सम्बन्ध भए पनि जबर्जस्ती करणी मानिन्छ ।
Related