कियाचु झापाद्वारा निर्वाचित जनप्रतिनिधिलाई बधाई तथा सम्मान

 लिम्बुवान न्युज
                       

दमक, २९ जेठ । स्थानीय तहको निर्वाचन–२०७९ मा निर्वाचित लिम्बू÷याक्थुङ् जनप्रतिनिधिहरुलाई झापाको दुधेस्थित भू.पू. सैनिक सभाहलमा शनिवार सम्मान गरिएको छ । सो कार्यक्रममा एक नगर प्रमुख, एक गाउँपालिका अध्यक्ष, १६ वडा अध्यक्ष, २९ वडा सदस्य गरी ४७ जना जनप्रतिनिधिहरुलाई सम्मान गरिएको हो ।
किरात याक्थुङ् चुम्लुङ् जिल्ला कार्य समिति झापाको आयोजनामा सम्पन्न बधाई तथा सम्मान कार्यक्रममा प्रमुख अतिथि किरात याक्थुङ् चुम्लुङ् संघीय उप–महासचिव डा. योगेन्द्र पालुङ्वाले शिवसताक्षी नगरपालिकाका नवनिर्वाचित नगर प्रमुख श्री मेघाहाङ् थोप्रा (रोशन), हल्दिवारी गाउँ पालिकाका गाउँ पालिका अध्यक्ष श्री रविन्द्र लिङ्देन लगायत १६ वडा अध्यक्ष र २९ वडा सदस्यहरुलाई सम्मान–पत्र प्रदान गर्नुहुँदै सम्मान गर्नुभएको हो ।


नव निर्वाचित जनप्रतिनिधिहरुलाई सम्मान गर्नुहुँदै प्रमुख अतिथि डा. पालुङ्वाले जनताको विश्वास जितेर स्थानीय तहको निर्वाचनमा निर्वाचित हुनुहुने लिम्बू/याक्थुङ् जनप्रतिनिधिहरुले लिम्बू÷याक्थुङ समुदायको हित हुने पक्षमा काम गर्न आग्रह गर्नुभयो । उहाँले स्थानीय तह अहिले एक प्रकारको गर्न सक्ने नीति नियम बनाई लागु गर्दा स्थानीय ठाउँ र जनताको हितको काम गर्न सक्ने सर्व शक्ति सम्पन्न ठाउँ भएकोले तिनै नीतिमा विशेष गरेर आदिवासी लिम्बू/याक्थुङ् समुदायको हित हुने कुराहरुप्रति विशेष ध्यान दिन आग्रह गर्नुहुँदै किरात याक्थुङ् चुम्लुङ्को हरेक गतिविधिसँग नजिक रहेर साक्षात्कार र लिम्बू/याक्थुङ् एकताबद्ध भएर हरेक कार्यमा सशक्त भएर अघि बढ्न विधानगत सदस्य बन्नुभई सधै अग्रसर भएर काम गर्न पनि आग्रह गर्नुभयो । जुनसुकै सिद्धान्त, दलगत, विचारमा आबद्ध भई स्थानीय तहमा नेतृत्व गर्न पुग्नुभएतापनि आफ्नो वंश र समुदायको हितार्थ काम गर्नुनै पहिलो धर्म सम्झनु पर्ने कुरा दोहोर्याउनुहुँदै लिम्बू“याक्थुङकाे साझा संस्था किरात याक्थुङ् चुम्लुङ्ले सिङ्गै लिम्बू/याक्थुङ् समुदायको निमित्त वर्षौंदेखि उठाउदैै आएका सामाजिक, धार्मिक, सांस्कृतिक, भाषिक, सहित्यिक, शैक्षिक, अर्थिक, राजनैतिक, स्वास्थ्य लगायतका मुद्धाहरुलाई स्थानीय तहको नेतृत्वले समभ्व भएसम्म सम्वोधन गरिदिन हुन समेत सम्मानित जनप्रतिनिधिहरुलाई आग्रह गर्नुभयो ।


विशिष्ठ अतिथि कियाचु संघीय सल्लाहकार तथा कियाचु पूर्व केन्द्रीय सदस्य तुम्याहाङ् जितबहादुर लावतीले झापा जिल्लाका विभिन्न नगर र गाउँपालिकाका नगर प्रमुख, गाउँपालिका अध्यक्ष, वडा अध्यक्ष्य र वडा सदस्यहरु स्थानीय तहमा एमाले, काँग्रेस, माओवदी, रा.प्र.पा. जसपा लगायतका विभिन्न दलबाट प्रतिनिध्तिव गर्दै निर्वाचित हुनुभएता पनि लिम्बू÷याक्थुङ् समुदायको क्षेत्रमा एक मन, एक विचार भएर काम गर्न हुन आग्रह गर्नुभयो । उहाँले स्थानीय तहबाट हुन सक्ने धर्म, भाषा, साहित्य, कला, संस्कार, संस्कृतिको संरक्षण संबद्र्धनमा स्रोत साधन बाँडफाँड गरे्र काम गर्नहुन समेत अनुरोध गर्नुहुँदै प्रदेश न. १ को नामाङ्करणको सन्दर्भमा लिम्बुवान–किरात भन्ने नाममा जनमत जुटाएर अघि बढ्न सके प्रदेश न. १ को नामाङकरण बेलैमा किनारा लाग्ने कुरामा समेत आवाज उठाइदिन विशेष जनप्रतिनिधिहरुलाई अनुरोध गर्नुभयो ।
शिवसताक्षी नगरपालिकाका नवनिर्वाचित नगरप्रमुख श्री मेघाहाङ् थोप्रा (रोशन)ले धन्यवाद मन्तव्य राख्नुहुँदै लिम्बू/याक्थुङ् समुदायको निमित्त गर्न सकिने कामहरु नगरप्रमुखको हैसियतले गर्ने, गराउने प्रतिवद्धता जनाउनुहुँदै भाषा, साहित्य, कला, संस्कृतिको संरक्षण संबद्र्धनमा विशेष योगदान पुग्ने खालका कार्यक्रमहरु नगरमा तर्जुमा गर्ने कुरामा जोड दिनुहुँदै स्थानीय स्रोत साधनले भ्याएसम्मको काम गर्दै जाने बताउनुभएको छ । मन्तव्यकै क्रममा उहाँले जुनसुकै दल, सिद्धान्त र पाटीबाट स्थानीय सत्तामा पुगेता पनि जनताको सेवक भएर काम गर्ने बताउनुहुँदै लिम्बू/याक्थुङ् समुदायको हक, हित र संबक्षण, संबद्र्धनमा काम गर्ने किरात याक्थुङ् चुम्लुङमा गोलबन्द भएर अघि बढ्नुको विकल्प नरहेको बताउनुभयो ।
कार्यक्रममा किरात याक्थुङ् चुम्लुङका संघीय सदस्य श्री अमृत योङ्हाङ, राष्ट्रिय चुम्लुुङ् सदस्य श्री जनबहादुर जवेगु, विर्तामोड नगरपालिका वडा न. ६ का वडा अध्यक्ष श्री सूर्यप्रसाद कन्दङ्वा, शिवसताक्षी नगरपालिका वडा न. १ का वडा अध्यक्ष श्री लक्ष्मी चेम्जोङ, शिवसताक्षी नगरपालिकावडा न. ७ का वडा अध्यक्ष श्री भुवानी विक्रम चेम्जोङ्, शिवसताक्षी नगरपालिका वडा न. ९ का वडा अध्यक्ष श्री डिल्लीलाल फेम्बु, शिवसताक्षी नगरपालिका वडा न. ११ का वडा अध्यक्ष श्री बहादुर आङ्बो, बाह्रदशी गाउँपालिका वडा न. ६, का वडा अध्यक्ष श्री रत्न प्रकाश योङ्हाङ्, कमल गाउँपालिका वडा न. २ का वडा अध्यक्ष श्री अशोक आङ्देम्बे, कियाचु लिम्बुवान कार्य समिति सचिव श्री इक्साहाङ् चेम्जोङ्, मेचीनगर वडा न. ७ की वडा सदस्य तथा कियाचु मेचीनगर नगर शाखाकी कोषाध्यक्ष श्री मिनमाया लिम्बू सुब्बा लगायतले शुभकामना तथा धन्यवाद मन्तव्य राख्नुभएको थियो ।
किरात याक्थुङ् चुम्लुङ् जिल्ला शाखा झापाका अध्यक्ष सेसेहाङ् फियाकको अध्यक्षतामा सम्पन्न सम्मान कार्यक्रममा कियाचु झापा शाखाका उपाध्यक्ष कालीबहादुर खेवाङ्ले स्वागत मन्तव्य राख्नुभएको थियो कियाचु जिल्ला सचिव प्रेमचन्द्र लिम्बूले कार्यक्रम सञ्चालन गर्नुभएको थियो ।
हार्दिक बधाई तथा सफल कार्यकालको शुभकामना सहित सम्मान व्यक्त गरिएका जननिर्वाचित लिम्बू÷याक्थुङ जनप्रतिनिधहरूको नामावली यसप्रकार रहेको छ ।
स्थानीय तह निर्वाचन–२०७९ मा झापा जिल्लाका विभिन्न तहमा निर्वाचित लिम्बू/याक्थुङ नगर प्रमुख, गाउँपालिका अध्यक्ष, वडा अध्यक्ष र वडा सदस्यहरुहरुलाई किरात याक्थुङ् चुम्लुङ् जिल्ला कार्य समिति झापाको तर्फबाट मिति २०७९ साल जेठ २८ गते शनिवारका दिन एक कार्यक्रमकबिच कार्यक्रका प्रमुख अतिथि कियाचु संघीय उप–महासचिव डा. योगेन्द्र पालुङ्वाज्यूको हस्तबाहुलीबाट सम्मान गरिएको थियो ।

सम्बन्धित समाचार

मेचु धिमालकाे म्युजिक भिडियो ‘आदाङ्बे सेवारो’ सार्वजनिक

दमक, २४ असार । लिम्बू भाषामा तयार पारिएको नयाँ म्युजिक भिडियो ‘आदाङ्बे सेवारो’ आइतबार सार्वजनिक गरिएको छ। गायिका तथा निर्देशक मेचु धिमालको युट्युब च्यानलमार्फत भिडियो सार्वजनिक गरिएको हो । गीतमा असित थेगिम र यासेली योङहाङको...

काङसोरे पुरस्कार स्व. इमानसिङ् चेम्जोङ्लाई

ललितपुर, २१ असार । लिम्बुवान नागरिक समाज यूकेले तिन बर्षमा प्रदान गर्दै आईरहेको काङ्सोरे पुरस्कार इतिहासकार, साहित्यकार, भाषाविद् स्व इमानसिंह चेम्जोङलाई प्रदान गरेको छ । यस वर्ष स्व.चेम्जोङलाई मरणोपरान्त पुरस्कार प्रदान गरिएको हो । शनिवार...

फक्ताङलुङ सांस्कृतिक मञ्चको अध्यक्षमा मोहन मादेन निर्वाचित

ललितपुर, २१ असार । फक्ताङलुङ सांस्कृतिक मञ्चको पाँचौं राष्ट्रिय महाधिवेशन सम्पन्न भएको छ । ललितपुरस्थित किरात याक्थुङ चुम्लुङको संघीय कार्यालयमा शनिबार मोहन मादेनको अध्यक्षतामा नयाँ कार्य समिति चयन गठन भएको हो । नेपाल प्रज्ञा प्रतिष्ठानका...

लिम्बु भाषाकाे लघु चलचित्र ‘तङ्सिङ्’ को छायांकन  सम्पन्न

ललितपुर, १९ असार । याक्थुङ/लिम्बू भाषामा निर्माण गरिएको लघु चलचित्र ‘तङ्सिङ्’ को छायांकन  सम्पन्न भएको छ। पान्थर र काठमाडौँ जिल्लाका विभिन्न ऐतिहासिक स्थलहरूमा छायाँकन सम्पन्न भएको हो। याक्थुङ मुन्चइत चोक सयङकाे निर्माण तथा चलचित्र विकास...