लिम्बुवानखबर। भारतको चर्चित गायन रियालिटी शो इन्डियन आइडलको १२ औं संस्करणको पवनदीप राजनले उपाधि जितेका छन् । आइतबार भारतको ७५ औं स्वतन्त्रता दिवसको अवसर पारेर भएको फाइनलमा पवनदीपले उपाधी चुमेका हुन् ।

उनले सनमुख प्रिया, अरूणीता कांजीलाल, मोहम्मद दानिश, निहाल ताउरो र सायली काम्बलेलाई भोटमा पछि पार्दै अवार्ड उचालेका उचालेका हुन् ।

भारतको उत्तराखन्ड कुमाउँको सानो जिल्ला चम्पावतमा २४ वर्षे पवनदीप राजनको जन्म भएको थियो ।

गायनमा मात्र नभएर उनी वाद्यवाधनमा पनि उत्तिकै पोख्त मानिन्छन् । गितार, ढोलक, तबेला, हार्मोनियम, पियानो, ड्रमलगायत धेरै किसिमका बाजा उनमा बजाउन सक्ने कला रहेको छ ।