काठमाडौ । लिम्बू भाषाको पालाम गीत ‘मुकुम्लुङ् लुङा ए’ को म्युजिक भिडियोको छायाँकन सम्पन्न भएको छ । शनिबार काठमाडौंस्थित तारेभीर, गोगर्ण लगायत स्थलहरुमा भिडियोको छायाङ्कन भएको हो ।

यस भिडियोलाई हाङ चेम्जोङले निर्देशन गरेका छन् । त्यसैगरी इन्द्रमाया निङ्लेकुको शब्द, तिर्शना नेम्बाङको लय संकलन, इसाक जबेगुको छायांकन, सुनिता किरातीको शृङ्गार रहेको छ । सुमधुर स्वरका धनी थोक्प्फेला लिङ्देन र पालाममा पछिल्लो समय उदाएका चर्चित सुमन लिम्बुको स्वर रहेको छ ।

पालाममा थोक्फेला लिङ्देन, सुमन लिम्बू, इन्द्र सुशील चोङ्बाङ, शृजना जबेगु, गंगा गियाक, जेपि नेम्बाङ, भिम थेबे, एबि आङ्देम्बे, लोकमायाँ पालुङ्वा, बिना पालुङ्वा, डिगेन्द्र सेर्मा, बिक्रम नुगो, तानाम तान्छो लावती, नरकुमारी सेर्मा, सरिता लावती, बिबस नेम्बाङ् लगायतले अभिनय गरेका छन् ।

पछिल्लो पुस्तामा भाषा संस्कार तर्फ निक्कै नै आर्षण बढेसँगै पालाम तर्फ पनि धेरै गायक गायिकाहरुले आफ्नो आवाज कैद गर्न थालेको निर्देशक तथा लेखक सागर केरुङ् बताउँछन् ।