मोरङ। मोरङको पथरी शनिश्चरेका कुमार सिरियसले ‘नमान्नु अफ्ठ्यारो’ गीतको म्युजिक भिडियो सार्वजनिक गरेका छन् । गायक सिरियसले यसअघि ‘बोकोनैमा बुकी फुल्दा’, ‘उकालीमा लहरै वरपिपल’ नामक गीत सार्वजनिक गरिसकेको छन् ।
गायक सिरियसको ९ मिनेट ३८ सकेन्ट लामो पूर्वेली लोक गीत कला घर सिन्धुलीको युट्युब च्यानलबाट हेर्न सकिन्छ । चपौली, सिन्धुलीको रमणीय स्थलमा छाँयाङकन गरिएको म्युजिक भिडियोमा कलाकार कमल श्रेष्ठ, सन्चिता थापा मगर, पदम भाइ, शिशिर, पबी रम्तेल र निरुता लामाले अभिनय गरेका छन् ।
सबै कलाकारहरु कला घरमा आबद्ध छन् । युनिश मेवाहाङको रचना रहेको उक्त गीतमा रुद्र श्रेष्ठले संगीत भरेका छन् भने यो भिडियोको निर्देशन पदम भाईले गरेका हुन् ।
Related