लिम्बुवानखबर । दोस्रो भेरियन्टको कोरोना संक्रमणबाट बन्द रहेका सिनेमा घरहरु खुलेको छ । वैशाख पहिलो साताबाट बन्द रहेका काठमाडौं उपत्यकाका सिनेमा हलहरु बधबारबाट सञ्चालनमा आएको हो ।

काठमाडौं, भक्तपुर र ललितपुरका तीन प्रमुख जिल्ला अधिकारीको बैठकले बुधबारबाट हल सञ्चालन गर्न दिने निर्णय गरेको थियो । सोही निर्णयलाई आधार मानेर उपत्यकामा सुरक्षा सतर्कतालाई मध्यनजर गर्दै सिनेमा घरहरु संचालनमा आएका छ ।

‘स्वास्थ्य सुरक्षाका मापदण्ड पूर्ण रुपमा पालन गरेर चलचित्र घरहरुलाई सञ्चालन गर्न दिने साथै सिनेमा घरहरुले मापदण्ड पालना भए एन नभएको प्रशासनले अनुगमन गर्ने जनाइएको छ ।

विगत साढे ४ महिनादेखि कोरोनाको दोस्रो लहरसँगै बन्द रहेका सिनेमा घरहरुले तत्काललाई नयाँ चलचित्रहरुको अभाव हुनेभएको छ । प्रशासनले हल खोल्ने अनुमति दिएतापनि चलचित्र निर्माहरुले प्रदर्शन मिति तय नगरेको हुँदा हलहरुमा नयाँ चलचित्र प्रदर्शन नहुने देखिन्छ ।