लिम्बुवानखबर, पान्थर संवाददाता । गायिका नुमा नेम्बाङको ‘बसन्तमा’ बोलको गीतको म्युजिक भिडियोको मंगलबार छायाङकन सम्पन्न भएको छ । पाँचथरको विभिन्न रमणिय स्थलहरुमा उक्त गीतको म्यूजिक भिडियो छायाङकन गरिएको हो ।

पाँचथरका बहुप्रतिभाका धनी सागर केरुङले उक्त गीतको निर्देशन गरेका छन् । त्यसैगरी एसपी निङ्लेकुको शब्द, बिक्रम राईको संगीत रहेको उक्त गीत नुमाको आवाजमा सजिएको छ ।

प्रेम नेम्बाङ, संगीता सुब्बा नेम्बाङ र निसुम नेम्बाङको संयुक्त लगानीमा निर्माण भएको गीतमा निङ्वा नेम्बाङ, सोफिया लिम्बू, सङ्क्रोजा तावा, अञ्जना मुखिया, निशा तामाङ, सिजर तावा, जोस्ना राई, अरुणा मुखिया राइको अभिनय रहेको छ । इशाक जबेगुको छायाङकन तथा सम्पादन रहेको उक्त गीतलाई निङ्वा नेम्बाङले कोरियोग्राफ गरेका छन् ।